LifeMovies

ഉത്സവ ലഹരി ഉണര്‍ത്തി  രോമാഞ്ചം കൊള്ളിക്കാൻ ‘സണ്ടക്കോഴി 2’ വരുന്നു

നടൻ വിശാലിൻ്റെ  രണ്ടാമത്തെ സിനിമയായിരുന്നു സണ്ടക്കോഴി .ഈ സിനിമയുടെ വൻ വിജയം വിശാലിന് നേടി കൊടുത്തത് തമിഴ് സിനിമയുടെ ആക്ഷൻ ഹീറോ എന്ന അംഗീകാരവും . 2005 – ൽ സണ്ടക്കോഴി യിലുടെ ചരിത്ര വിജയം നേടിയ വിശാൽ – ലിങ്കുസാമി ടീം പതിമൂന്നു വർഷങ്ങൾക്കു ശേഷം ഒന്നിച്ചിരിക്കുന്നു സണ്ടക്കോഴിയുടെ രണ്ടാം ഭാഗത്തിന് വേണ്ടി. പതിറ്റാണ്ടുകൾക്ക് മുമ്പ് സണ്ടക്കോഴി ജന്മം കൊണ്ടതിന് ഒരു ചരിത്ര പശ്ചാത്തലമുണ്ട്  . ലിംഗുസാമിയുംവിശാലും അന്ന് അടുത്ത സുഹൃത്തുക്കൾ . വിശാലാകട്ടെ നടനായിട്ടുമില്ല . വിശാലിൻ്റെ  ആദ്യ ചിത്രമായ ‘ചെല്ലമെ’യുടെ ഷൂട്ടിംഗ് പോലും പൂർത്തിയായിട്ടുണ്ടായിരുന്നില്ല .ലിംഗുസാമിയുടെ പക്കൽ നല്ലൊരു ആക്ഷൻ കഥയുണ്ടെന്നറിഞ്ഞ വിശാൽ ലിംഗുസാമിയെ സമീപിച്ച് , തന്നെ നായകനാക്കി ആ സിനിമ ചെയ്യണമെന്ന് ആവശ്യപ്പെട്ടു .മാത്രമല്ല  തൻ്റെ  പിതാവ് ജി .കെ .റെഡ്ഢിയെ കൊണ്ട്  പ്രൊഡ്യൂസ്  ചെയ്യിക്കാമെന്നും വാഗ്‌ദാനം നൽകി .എന്നാൽ ലിംഗുസാമിയാകട്ടെ ആ കഥ മറ്റൊരു സൂപ്പർ ഹീറോയ്ക്ക് വേണ്ടി തയ്യാറാക്കി വെച്ചിരിക്കയാണെന്നും അത് കൊണ്ട് സാധ്യമല്ലെന്നും അറിയിച്ചു .ഒടുവിൽ വിശാലിൻ്റെ നിരന്തര സമ്മർദ്ദത്തിന് ലിങ്കുസാമിക്ക് വഴങ്ങേണ്ടി വന്നു ,സൗഹൃദ സ്നേഹത്തിൻ്റെ  പേരിൽ. ആദ്യം കഥ പറഞ്ഞ നായകനോട് വിവരം ധരിപ്പിച്ച് ലിംഗുസാമി ആ സൂപ്പർ നടനോട് ‘പിന്നീട് നമുക്ക് ഒന്നിക്കാം’ എന്ന് പറഞ്ഞു .ആ നടൻ ആരെന്നോ ? മറ്റാരുമല്ല സാക്ഷാൽ സൂര്യ !.സൂര്യയുടെ സ്ഥാനത്ത് വിശാൽ നായകനായി .സിനിമ സൂപ്പർ ഹിറ്റുമായി .

രണ്ടാം ഭാഗത്തിനും ഒരു പശ്ചാത്തലമുണ്ട് .വിശാലിനെ നായകനാക്കി വീണ്ടും ഒരു സിനിമ ചെയ്യണം എന്ന് ലിംഗുസാമി ആഗ്രഹം പ്രകടിപ്പിച്ചപ്പോൾ , വിശാലിന് ഒറ്റ നിബന്ധനയേ ഉണ്ടായിരുന്നുള്ളു .അത് സണ്ടക്കോഴിയുടെ രണ്ടാം ഭാഗം ആയിരിക്കണമെന്നതായിരുന്നു . അതും ഒരു നിയോഗം പോലെ സംഭവിച്ചു. സണ്ടക്കോഴി 2- ന്‍റെ തുടക്കത്തില്‍ വിശാലും ലിങ്കുസാമിയും പിണങ്ങിയത് വലിയ വാര്‍ത്തയായിരുന്നു .എന്നാല്‍ ആ പിണക്കം സുഹുര്ത്തുക്കലായ തങ്ങളെ മനസ് കൊണ്ട് കൂടുതല്‍ അടുപ്പിച്ചുവെന്നും അത് ചിത്രത്തിന് ഗുണകരമായി എന്നും പറഞ്ഞ വിശാല്‍ തങ്ങള്‍ ഒരേ വേവ് ലെങ്ങ്ത്ത് ഉള്ള സുഹ്ര്‍ത്തുക്കളായതിനാല്‍ ചിത്രത്തിന്‍റെ മേന്മ കൂടാനും സഹായകമായി എന്നും പറഞ്ഞു  .

           സണ്ടക്കോഴിയെക്കാൾ ‘സണ്ടക്കോഴി 2’  ആക്ഷനും പ്രണയവും  വൈകാരികതയും കോർത്തിണക്കി ഉത്സവ പ്രതീതി നൽകും വിധം ബ്രമാണ്ട സിനിമയായിട്ടാണ് ദൃശ്യവൽക്കരിച്ചിരിക്കുന്നതത്രെ .  രണ്ടാം ഭാഗത്തിലെ കാതലായ മാറ്റം നായികാ സ്ഥാനത്ത്  മീരാജാസ്മിനു പകരം കീർത്തി സുരേഷ് ആണെന്നതാണ് . ഇന്ന്  തമിഴിലെയും തെലുങ്കിലെയും ഭാഗ്യ താരമാണ് കീര്‍ത്തി  എന്നതും ശ്രദ്ധേയം. തൻ്റെ അഭിനയ ജീവിതത്തിലെ മറ്റൊരു നാഴികക്കല്ലായിരിക്കും ‘സണ്ടക്കോഴി 2’ എന്ന്‍ വിശാൽ ആത്മവിശ്വാസത്തോടെ പറയുന്നു .രാജ് കിരണ്‍ ,നന്ദ പെരിയസാമി ,ഹരിഷ് പേരടി,അപ്പാനി ശരത് , കഞ്ചാ കറുപ്പ്,മാരിമുത്ത്,രവി മരിയ , ജോ മല്ലൂരി ,തെന്നവന്‍, കബാലി വിശ്വനാഥ് എന്നിങ്ങനെ ഒട്ടനവധി അഭിനേതാക്കള്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നു . ആകാംഷയുടെ  മുള്‍മുനയില്‍ നിര്‍ത്തുന്ന ആക്ഷനും സസ്‌പെൻസും സെന്റിമെന്റും  സമന്വയിപ്പിച്ചു കൊണ്ടുള്ള  അവതരണ രീതിയാണ്‌ രചയിതാവ് കൂടിയായ സംവിധായകന്‍ അവലംബിച്ചിട്ടുള്ളത്.ശക്തിവേലാണ്  സണ്ടക്കോഴി 2 ക്യാമറയില്‍ പകര്‍ത്തിയിട്ടുള്ളത് . യുവൻ ശങ്കര്‍ രാജയാണ്  സംഗീത സംവിധായകന്‍. ത്രില്ലടിപ്പിക്കുന്ന സംഘട്ടന രംഗങ്ങള്‍ ചിട്ടപ്പെടുത്തിയിരിക്കുന്നത് അനല്‍ അരസാണ്. രാജു സുന്ദരവും ബ്രിന്ദയുമാണ്‌  നൃത്ത സംവിധാനം നിര്‍വഹിച്ചിരിക്കുന്നത് . വിശാല്‍ ഫിലിം ഫാക്ടറിയുടെ ബാനറില്‍ വിശാല്‍ തന്നെ നിര്‍മ്മിച്ച  ‘സണ്ടക്കോഴി 2’  രമ്യാ മുവീസ് ഒക്ടോബര്‍18 ന് കേരളത്തില്‍ പ്രദര്‍ശത്തിനെത്തിക്കുന്നു. ലോകമെമ്പാടുമായി രണ്ടായിരത്തില്‍ പരം തിയറ്ററുകളില്‍  ചിത്രം  പ്രദര്‍ശിപ്പിക്കാനാണ്  വിശാലിന്റെ പദ്ധതി.

Trailorlink:https://www.youtube.com/watch?v=71uCBBdNqDg

Tags
Show More

Related Articles

Leave a Reply

Your email address will not be published. Required fields are marked *

Close