NationalNews

തൊഴിലുറപ്പ് പദ്ധതിയില്‍ കേരളത്തിനു നല്‍കാനുള്ള 670 കോടി അടുത്തയാഴ്ച നല്‍കുമെന്ന് കേന്ദ്രം

ന്യൂഡല്‍ഹി: 2013 മുതല്‍ തൊഴിലുറപ്പ് കൂലിയിനത്തില്‍ കേരളത്തിനു ലഭിക്കേണ്ട 670 കോടി രൂപ ഈമാസം 30 നകം നല്‍കുമെന്ന് കേന്ദ്രം ഉറപ്പ് നല്‍കിയതായി കെ. സി വേണുഗോപാല്‍.കേന്ദ്ര ഗ്രാമവികസന മന്ത്രി നരേന്ദ്രസിങ് തോമറുമായി കെ സി വേണുഗോപാല്‍ എംപി നടത്തിയ കൂടിക്കാഴ്ചയിലാണ് ഉറപ്പ് ലഭിച്ചത്. സംസ്ഥാന സര്‍ക്കാര്‍ നടപടിക്രമങ്ങള്‍ വൈകിപ്പിച്ചതാണ് കുടിശികയ്ക്ക് കാരണമായതെന്ന് മന്ത്രി തോമര്‍ അറിയിച്ചു.

വര്‍ഷത്തില്‍ 100 തൊഴില്‍ദിനങ്ങള്‍ ഉറപ്പുവരുത്തുന്ന പദ്ധതി പ്രകാരം തൊഴിലെടുത്ത് പരമാവധി 14 ദിവസത്തിനുളളില്‍ കൂലി നല്‍കണം. എന്നാല്‍ 2013 മുതല്‍ തൊഴിലുറപ്പിന്റെ വിശദാംശങ്ങള്‍ കേന്ദ്രത്തിന് കൈമാറുന്നതില്‍ സംസ്ഥാനം വീഴ്ച്ചവരുത്തി.

ഇതോടെ കുടിശിക 500 കോടി കവിഞ്ഞു. കൂലി കിട്ടാതെ തൊഴിലാളികള്‍ പട്ടിണിയിലായതോടെ കുടിശികയ്ക്ക് സംസ്ഥാനസര്‍ക്കാര്‍ കേന്ദ്രത്തെ സമീപിച്ചു. സമ്മര്‍ദ്ദവുമായി എംപിമാരും രംഗത്തെത്തിയതോടെയാണ് കേന്ദ്രം അനുകൂല നിലപാട് സ്വീകരിച്ചത്.

Tags
Show More

Related Articles

Leave a Reply

Your email address will not be published. Required fields are marked *

Close