Cover StoryFrom the EditorNationalNews

പ്രധാനമന്ത്രിയുടെ “റഡാർ സിദ്ധാന്ത”ത്തെ കണക്കറ്റ് പരിഹസിച്ച് രാഹുൽ ഗാന്ധി

പ്രധാനമന്ത്രിയുടെ റഡാര്‍ തീയറിയെ പരിഹസിച്ച് കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി. ഇന്ത്യയില്‍ മഴ പെയ്യുമ്പോഴെല്ലാം വിമാനങ്ങള്‍ റഡാറില്‍ നിന്ന് മാഞ്ഞ് പോകാറുണ്ടോ നരേന്ദ്ര മോദി ജീ എന്നാണ് കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുടെ പരിഹാസം. മധ്യപ്രദേശിലെ നീമച്ചില്‍ കോണ്‍ഗ്രസിന്റെ തിരഞ്ഞെടുപ്പ് പ്രചാരണ പരിപാടിയില്‍ സംസാരിക്കവേയാണ് മോദിയെ രാഹുല്‍ പരിഹസിച്ചത്. സംസാരിക്കുന്ന കാര്യം എന്താണ് എന്ന് അദ്ദേഹത്തിന് വല്ല ധാരണയും ഉണ്ടോ എന്നും രാഹുല്‍ ചോദിച്ചു. ഈ രാജ്യത്തിന്റെ ചരിത്രമെന്തെന്ന് താങ്കള്‍ക്ക് എന്തെങ്കിലും അറിവുണ്ടോ എന്നും 5 വര്‍ഷക്കാലത്ത് രാജ്യത്തിന് വേണ്ടി എന്തെങ്കിലും ചെയ്യാന്‍ സാധിച്ചോ എന്നും രാഹുല്‍ ഗാന്ധി ചോദിച്ചു.

ന്യൂസ് നാഷന്‍ ചാനലിന് നല്‍കിയ അഭിമുഖത്തിന് ശേഷം പ്രധാനമന്ത്രി നരേന്ദ്ര മോദിക്ക് എതിരായ ട്രോളുകള്‍ കൊണ്ട് നിറഞ്ഞിരിക്കുകയാണ് സോഷ്യല്‍ മീഡിയ. ബലാക്കോട്ടില്‍ ആക്രമണം നടത്താന്‍ പോകുന്നതിന് മുന്‍പ് സൈനിക മേധാവികള്‍ക്ക് മുന്നില്‍ താന്‍ അവതരിപ്പിച്ചുവെന്ന് മോദി അവകാശപ്പെടുന്ന റഡാര്‍ തിയറിയാണ് അദ്ദേഹത്തെ പരിഹാസ്യനാക്കിയിരിക്കുന്നത്. കാര്‍മേഘങ്ങള്‍ ഉളളപ്പോള്‍ ഇന്ത്യന്‍ വിമാനങ്ങള്‍ റഡാറില്‍ പതിയില്ലെന്നും അതുകൊണ്ട് അന്ന് തന്നെ ആക്രമണം നടത്താം എന്നുമാണ് മോദി നല്‍കിയ ഉപദേശം. സോഷ്യല്‍ മീഡിയയെ കൂടാതെ രാഷ്ട്രീയ എതിരാളികളും മോദിയെ പരിഹസിച്ച് രംഗത്ത് വന്നിട്ടുണ്ട്.കഴിഞ്ഞ ദിവസം പ്രിയങ്ക ഗാന്ധിയും മോദിയുടെ റഡാര്‍ തിയറിയെ പരിഹസിച്ച് രംഗത്ത് വന്നിരുന്നു. മോദി പ്രതിരോധ വിദഗ്ധനാണെന്നും അതുകൊണ്ടാണ് ജീവിതത്തില്‍ ഇന്നേവരെ വിമാനം ഉണ്ടാക്കാത്തവരെ വിമാനം നിര്‍മ്മിക്കാനായി നിയോഗിച്ചത് എന്ന് റാഫേല്‍ കൂടി സൂചിപ്പിച്ച് പ്രിയങ്ക പരിഹസിച്ചു.

Tags
Show More

Related Articles

Leave a Reply

Your email address will not be published. Required fields are marked *

Close