Cover StoryKeralaNews

പൊലീസ് ഇടപെടലിനെ ന്യായീകരിച്ച്‌ മുഖ്യമന്ത്രി : പൊലീസ് പരമാവധി സംയമനം പാലിച്ചു

തിരുവനന്തപുരം: ഭക്തിയുടെ മറവില്‍ ആർ എസ് എസ് സന്നിധാനത്ത് രാഷ്ട്രീയ ലക്ഷ്യത്തിനു വേണ്ടി പ്രശ്നങ്ങളുണ്ടാക്കുകയാണെന്നു മുഖ്യമന്ത്രി പിണറായി വിജയന്‍. മാധ്യമ പ്രവര്‍ത്തകർക്ക് നേരെയും അതിക്രമങ്ങൾ ഉണ്ടായി. ഭക്തർക്ക് എല്ലാവിധ ജനാധിപത്യ അവകാശങ്ങളും നിഷേധിക്കപ്പെട്ടപ്പോഴാണ് പൊലീസ് ഇടപെടൽ ഉണ്ടായത്. ക്ഷേത്ര ദർശനത്തിനെത്തിയ 50 കഴിഞ്ഞ സ്ത്രീകളെ പോലും ആക്രമിച്ചു. ഇതോടെയാണ് പോലീസ് ഇടപെട്ട് ഇവർക്ക് ദർശനം അനുവദിച്ചത്.

ആചാര സംരക്ഷണം പറയുന്നവര്‍ തന്നെ പതിനെട്ടാം പടിയിലെ ആചാരം ലംഘിച്ചത് എല്ലാവരും കണ്ടുവന്നു ആർ എസ് എസ് നേതാവ് വത്സൻ തില്ലങ്കേരിയെ പരോക്ഷമായി മുഖ്യമന്ത്രി വിമർശിച്ചു . ശബരിമലയെ ഭക്തിയോടെയാണ് വിശ്വാസികൾ സമീപിക്കുന്നത്. എന്നാൽ ആ ശബരിമലയെ രാഷ്ട്രീയ ലക്ഷ്യത്തോടെ കാണുകയാണ് സംഘപരിവാറെന്നും മുഖ്യമന്ത്രി ആരോപിച്ചു .

ഹരിവരാസനം പാടി നടച്ചശേഷവും സന്നിധാനത്ത് സംഘപരിവാര്‍ സംഘര്‍ഷം ഉണ്ടാക്കാന്‍ ശ്രമിച്ചുവെന്നും മുഖ്യമന്ത്രി കുറ്റപ്പെടുത്തി. പോലീസ് അവസാനം വരെ സംയമനം പാലിച്ചുവെന്നും മുഖ്യമന്ത്രി പത്ര സമ്മേളനത്തില്‍ പറഞ്ഞു.

Tags
Show More

Related Articles

Leave a Reply

Your email address will not be published. Required fields are marked *

Close