HealthLife

മുട്ടുവേദനയില്‍ നിന്ന് രക്ഷപ്പെടാം; പക്ഷെ ചില കാര്യങ്ങള്‍ ശ്രദ്ധിക്കണം

ശരീരഭാരം മുഴുവന്‍ താങ്ങുന്ന അവയവമാണ് മുട്ട്. ഭാരം കൂടിയ ശരീരമുള്ളവര്‍ക്ക് മുട്ടുവേദന വരാനുള്ള സാധ്യത കൂടുതലാണ്. സ്ത്രീകളേയും പുരുഷന്മാരെയും ഒരുപോലെ മുട്ടുവേദന അലട്ടും. സ്ത്രീകകളില്‍, പ്രത്യേകിച്ച്‌ ആര്‍ത്തവവിരാമം സംഭവിച്ചവരില്‍ മുട്ടുവേദന കൂടുതലായിരിക്കും.

ഓസ്റ്റിയോപെറോസിസ് അഥവാ എല്ലുതേയ്മാനം എന്നാണ് ഈ അവസ്ഥ അറിയപ്പെടുന്നത്. 60 വയസു കഴിഞ്ഞ പുരുഷന്മാരിലും ഈ അവസ്ഥ കൂടുതലായി കാണപ്പെടുന്നുണ്ട്. മുട്ടുവേദന വന്നാല്‍ നടക്കാനും വ്യായാമം ചെയ്യാനുമൊക്കെ ബുദ്ധിമുട്ടായിരിക്കും.

എന്നാല്‍ ഇത്തരം മുട്ടുവേദന വന്നാല്‍ ശ്രദ്ധിക്കേണ്ട ചില കാര്യങ്ങളുണ്ട്-

ദൈനംദിന കാര്യങ്ങളിലും ഭക്ഷണത്തിലും ശ്രദ്ധിക്കുന്നതു നല്ലതാണ്. മുട്ടുവേദനയുള്ളവര്‍ അധികനേരം നടക്കുന്നതും നിര്‍ക്കുന്നതും കോണിപ്പടികള്‍ കയറുന്നതും ഒഴിവാക്കുക.

ടൈല്‍ പോലുള്ളവ തറയില്‍ ഇടുന്നത് മുട്ടുവേദന കൂടാന്‍ കാരണമാകും. ഇത്തരം നിലത്തു നടക്കുമ്ബോള്‍ ചെരിപ്പ് ശീലമാക്കുക. കട്ടി കുറഞ്ഞ, ഹീലില്ലാത്ത തരം ചെരുപ്പു വേണം എപ്പോഴും ഉപയോഗിക്കാന്‍.

നടക്കുമ്ബോള്‍ എപ്പോഴും നീ ക്യാപ് ഉപയോഗിക്കുക. വേദന കുറയാന്‍ ഇത് സഹായിക്കും. എന്നാല്‍ വിശ്രമിക്കുന്ന സമയത്ത് ഇത് ധരിക്കരുത്.

കാലിന്മേല്‍ കാല്‍ കയറ്റി ഇരിയ്ക്കരുത്. ഇത് മുട്ടുവേദന കൂട്ടും. അതുപോലെ കിടക്കുമ്ബോള്‍ കാലുകള്‍ വളച്ചു വയ്ക്കരുത്.

പഞ്ചസാരയുടെ ഉപയോഗം കുറയ്ക്കുക. പുകവലി, മദ്യപാനം തുടങ്ങിയ ശീലങ്ങളും ഒഴിവാക്കുന്നതാണ് നല്ലത്.

കാല്‍സ്യത്തിന്റെ കുറവാണ് പ്രധാനമായും ഈ രോഗത്തിനു കാരണമാകുന്നത്. കാല്‍സ്യമടങ്ങിയ ഭക്ഷണങ്ങള്‍ ധാരാളം കഴിയ്ക്കുക. പാലുല്‍പന്നങ്ങള്‍, ഇലക്കറികള്‍, മത്സ്യങ്ങള്‍ തുടങ്ങിയ ഭക്ഷണങ്ങള്‍ ഉത്തമമാണ്.

ടുവീലര്‍ ഉപയോഗിക്കുന്നവര്‍ ചവിട്ടി വാഹനം സ്റ്റാര്‍ട്ട് ചെയ്യാതിരിക്കുകയാണ് നല്ലത്. ഇത് മുട്ടിനു ദോഷം വരുത്തും.

വ്യായാമങ്ങള്‍ മുട്ടുവേദന കുറയ്ക്കാന്‍ നല്ലതാണ്. ദിവസവും വ്യായാമം പതിവാക്കുക. കാല്‍മുട്ടിന് ആയാസമുണ്ടാകുന്ന രീതിയിലുള്ള വ്യായാമങ്ങള്‍ ഒഴിവാക്കണം.

Show More

Related Articles

Leave a Reply

Your email address will not be published. Required fields are marked *

Close